ಕುಮಟಾ(Kumta): ದಿ. ಹನುಮಂತ ಬೆಣ್ಣೆ ಅವರ ೧೦೬ನೇ ಜನ್ಮ ದಿನದ ಪ್ರಯುಕ್ತ ಬೆಣ್ಣೆ ಕುಟುಂಬವು ಮೂರು ಕಂಪ್ಯೂಟರ್‌ಗಳನ್ನು ಇಲ್ಲಿನ ನೆಲ್ಲಿಕೇರಿಯ ಸರ್ಕಾರಿ ಹನುಮಂತ ಬೆಣ್ಣೆ ಪದವಿ ಪೂರ್ವ ಕಾಲೇಜಿಗೆ (PU College) ಶನಿವಾರ ಕೊಡುಗೆಯಾಗಿ(Computer Donation) ನೀಡುವ ಮೂಲಕ ಈ ಕಾಲೇಜಿನ ಶೈಕ್ಷಣಿಕ ಕಾರ್ಯಕ್ಕೆ ಇನ್ನುಷ್ಟು ಅನುಕೂಲ ಮಾಡಿಕೊಟ್ಟಿತು.
ವಿಡಿಯೋ ಸುದ್ದಿ ಮತ್ತು ಮಾಹಿತಿಗಾಗಿ ಭಟ್ಕಳಡೈರಿ ಫೇಸ್‌ಬುಕ್‌ ಪೇಜ್ ಫಾಲೋವ್ ಮಾಡಲು ಇಲ್ಲಿ ಒತ್ತಿ
ಪಟ್ಟಣದ ಹಳೇ ಹೆರವಟ್ಟಾದವರಾದ ಬೆಣ್ಣೆ ಕುಟುಂಬವು ಪ್ರತಿ ವರ್ಷ ದಿ. ಹನುಮಂತ ಬೆಣ್ಣೆ ಅವರ ಜನ್ಮ ದಿನದ ಪ್ರಯುಕ್ತ ನೆಲ್ಲಿಕೇರಿಯ ಸರ್ಕಾರಿ ಹನುಮಂತ ಬೆಣ್ಣೆ ಪದವಿ ಪೂರ್ವ ಕಾಲೇಜಿಗೆ ಅಗತ್ಯವಾದ ಪರಿಕರಗಳನ್ನು ನೀಡುವ ಮೂಲಕ ಕಾಲೇಜಿನ ಅಭಿವೃದ್ಧಿಗೆ ತಮ್ಮ ಕೈಲಾದ ನೆರವನ್ನು ನೀಡುತ್ತಾ ಬಂದಿದ್ದಾರೆ. ಕಾಲೇಜಿಗೆ ಕಂಪ್ಯೂಟರ್‌ಗಳ ಅಗತ್ಯವಿರುವುದನ್ನು ಮನಗಂಡ ಬೆಣ್ಣೆ ಕುಟುಂಬವು ಈ ವರ್ಷ ದಿ. ಹನುಮಂತ ಬೆಣ್ಣೆ ಅವರ ೧೦೬ನೇ ಜನ್ಮ ದಿನದ ಪ್ರಯುಕ್ತ ಮೂರು ಕಂಪ್ಯೂಟರ್‌ಗಳನ್ನು ಕೊಡುಗೆಯಾಗಿ (Computer Donation) ನೀಡುವ ಮೂಲಕ ಶೈಕ್ಷಣಿಕ ಪ್ರೇಮ ಮೆರೆದಿದೆ.
ಇದನ್ನೂ ಓದಿ : ದೇವರು ನೀಡುವ ಆಶೀರ್ವಾದ ಗುರು: ರಾಘವೇಶ್ವರ ಶ್ರೀ
ಈ ಬಗ್ಗೆ ಪ್ರಾಸ್ತಾವಿಕವಾಗಿ ಮಾತನಾಡಿದ ಈ ಕಾಲೇಜಿನ ಉಪನ್ಯಾಸಕ ಆನಂದ ವೈ. ನಾಯ್ಕ, ನಮ್ಮ ಕಾಲೇಜಿಗೆ ಬೆಣ್ಣೆ ಕುಟುಂಬದವರು ಮಾಡುತ್ತಿರುವ ಸಹಾಯ, ಸಹಕಾರವನ್ನು ಮುಕ್ತಕಂಠದಿಂದ ಶ್ಲಾಘಿಸಿದರು. ಪ್ರಾಂಶುಪಾಲ ಸತೀಶ ನಾಯ್ಕ ಮಾತನಾಡಿ, ಕಾಲೇಜಿಗೆ ಪ್ರತಿ ವರ್ಷ ಒಂದಲ್ಲ ಒಂದು ರೀತಿಯಲ್ಲಿ ನೆರವು ನೀಡುತ್ತಿರುವ ಬೆಣ್ಣೆ ಕುಟುಂಬ ಕಾರ್ಯ ನಿಜಕ್ಕೂ ಶ್ಲಾಘನೀಯ. ಅವರ ಸಹಾಯ, ಸಹಕಾರ ಸದಾ ನಮ್ಮ ಕಾಲೇಜಿನ ಮೇಲೆ ಇರಲಿ ಎಂದು ಆಶಿಸಿದರು.
ಇದನ್ನೂ ಓದಿ : ಭಾಷಣ ಸ್ಪರ್ಧೆಯಲ್ಲಿ ವಿಧಾತ್ರಿ ಪ್ರಥಮ, ನಾಗಶ್ರೀ ದ್ವಿತೀಯ
ಇದೇ ಸಂದರ್ಭದಲ್ಲಿ ಕಾಲೇಜ್‌ನ ಎಲ್ಲ ವಿದ್ಯಾರ್ಥಿಗಳಿಗೆ ಬೆಣ್ಣೆ ಕುಟುಂಬದವರು ಸಿಹಿ ವಿತರಿಸಿದರು. ಬೆಣ್ಣೆ ಕುಟುಂಬದ ವಿನಾಯಕ ಹನುಮಂತ ನಾಯಕ, ಪ್ರಸನ್ನ ವಾಸುದೇವ ನಾಯಕ, ಪೂರ್ಣ ಪ್ರಸನ್ನ ನಾಯಕ, ಕಾಲೇಜು ಉಪನ್ಯಾಸಕರು ಇದ್ದರು.
ಇದನ್ನೂ ಓದಿ : ಆಗಸ್ಟ್‌ ೨೪ರಂದು ವಿವಿಧೆಡೆ ಅಡಿಕೆ ಧಾರಣೆ
