ಕಾರವಾರ (Karwar) : ಉತ್ತರ ಕನ್ನಡ (Uttara Kannada) ಜಿಲ್ಲೆಯ ನಗರ ಸ್ಥಳೀಯ ಸಂಸ್ಥೆಗಳ (urban local bodies) ಎರಡು ವಾರ್ಡ್‌ಗಳಲ್ಲಿ ಉಪ ಚುನಾವಣೆ (by-election) ಘೋಷಿಸಲಾಗಿದೆ. ಅಂಕೋಲಾ (Ankola) ಪುರಸಭೆ ವಾರ್ಡ್‌ ಸಂಖ್ಯೆ ೧೪ ಮತ್ತು ಯಲ್ಲಾಪುರ (Yallapur) ಪಟ್ಟಣ ಪಂಚಾಯತಿ ವಾರ್ಡ್‌ ಸಂಖ್ಯೆ ೧೨ರಲ್ಲಿ ತೆರವಾಗಿರುವ ಸದಸ್ಯ ಸ್ಥಾನಕ್ಕೆ ಉಪ ಚುನಾವಣೆ ಜರುಗಿಸುವ ಕುರಿತು ವೇಳಾಪಟ್ಟಿ ಹೊರಡಿಸಲಾಗಿದೆ.
ವಿಡಿಯೋ ಸುದ್ದಿ ಮತ್ತು ಮಾಹಿತಿಗಾಗಿ ಭಟ್ಕಳಡೈರಿ ಫೇಸ್‌ಬುಕ್‌ ಪೇಜ್ ಫಾಲೋವ್ ಮಾಡಲು ಇಲ್ಲಿ ಒತ್ತಿ
ನವೆಂಬರ್ ೪ರಂದು ಚುನಾವಣಾ ಅಧಿಸೂಚನೆಯನ್ನು ಹೊರಡಿಸಲಾಗುತ್ತದೆ. ನ. ೧೧ರಂದು ನಾಮಪತ್ರಗಳನ್ನು (Nomination) ಸಲ್ಲಿಸಲು ಕೊನೆಯ ದಿನಾಂಕವಾಗಿದೆ. ನ.೧೨ರಂದು ನಾಮಪತ್ರಗಳ ಪರಿಶೀಲನೆ ನಡೆಯಲಿದೆ. ನ. ೧೪ರಂದು ಉಮೇದುವಾರಿಕೆ ಹಿಂತೆಗೆದುಕೊಳ್ಳಲು ಕೊನೆಯ ದಿನಾಂಕವಾಗಿದೆ.
ಇದನ್ನೂ ಓದಿ : ಕಾರು ಚಲಾಯಿಸುತ್ತಿರುವಾಗಲೇ ಅಸ್ವಸ್ಥರಾಗಿ ಸಾವು
ಮತದಾನದ ಅವಶ್ಯವಿದ್ದಲ್ಲಿ ನ. ೨೩ರಂದು ಬೆಳಗ್ಗೆ ೭ ಗಂಟೆಯಿಂದ ಸಾಯಂಕಾಲ ೫ ಗಂಟೆಯವರೆಗೆ ಮತದಾನ ನಡೆಯಲಿದೆ. ಮರು ಮತದಾನ ಇದ್ದಲ್ಲಿ ನ. ೨೫ ರಂದು ನಡೆಸಲಾಗುವುದು. ನ.೨೬ ರಂದು ಬೆ. ೮ ಗಂಟೆಗೆ ಮತಗಳ ಎಣಿಕೆಯು ಆಯಾ ತಾಲೂಕಿನ ಕೇಂದ್ರ ಸ್ಥಳದಲ್ಲಿ ನಡೆಯಲಿದೆ ಎಂದು ಉಪ ಚುನಾವಣೆ ಕುರಿತು (by-election) ಜಿಲ್ಲಾಧಿಕಾರಿ ಕೆ.ಲಕ್ಷ್ಮೀಪ್ರಿಯಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಇದನ್ನೂ ಓದಿ : ನೇಣು ಬಿಗಿದು ಸಾವಿಗೆ ಶರಣಾದ ಯುವಕ
