ಅಂಕೋಲಾ (Ankola) : ವಯೋಸಹಜ ಕಾಯಿಲೆಯಿಂದ ಬಳಲುತ್ತಿದ್ದ ಪದ್ಮಶ್ರೀ (Padmashree) ಪುರಸ್ಕೃತ, ವೃಕ್ಷಮಾತೆ ತುಳಸಿ ಗೌಡ (Tulasi Gowda) ಡಿ.೧೬ರಂದು ತಾಲೂಕಿನ ಹೊನ್ನಾಳಿಯಲ್ಲಿರುವ ತಮ್ಮ ಸ್ವಗೃಹದಲ್ಲಿ ನಿಧನರಾಗಿದ್ದಾರೆ. ಅವರಿಗೆ ೮೬ ವರ್ಷ ವಯಸ್ಸಾಗಿತ್ತು. ಅವರಿಗೆ ಇಬ್ಬರು ಮಕ್ಕಳು ಮತ್ತು ನಾಲ್ವರು ಮೊಮ್ಮಕ್ಕಳಿದ್ದಾರೆ.
ವಿಡಿಯೋ ಸುದ್ದಿ ಮತ್ತು ಮಾಹಿತಿಗಾಗಿ ಭಟ್ಕಳಡೈರಿ ಫೇಸ್‌ಬುಕ್‌ ಪೇಜ್ ಫಾಲೋವ್ ಮಾಡಲು ಇಲ್ಲಿ ಒತ್ತಿ
ಹಾಲಕ್ಕಿ ಬುಡಕಟ್ಟು ಸಮುದಾಯದಿಂದ ಬಂದ ಅವರು ತನ್ನ ಸುತ್ತಮುತ್ತಲ ಪ್ರದೇಶದಲ್ಲಿ ಲಕ್ಷಗಟ್ಟಲೆ ಮರಗಳನ್ನು ನೆಟ್ಟು ಪೋಷಿಸಿ, ಪರಿಣಾಮಕಾರಿಯಾಗಿ ತನ್ನದೇ ಆದ ಕಾಡನ್ನು ಸೃಷ್ಟಿಸಿದವಳು. ಅವರು ತಮ್ಮ ಜೀವನವನ್ನು ಪರಿಸರಕ್ಕಾಗಿ ಮುಡಿಪಾಗಿಟ್ಟವರು. ೬೦ ವರ್ಷಗಳ ಕಾಲ ಪರಿಸರ ಸಂರಕ್ಷಣೆಯ ಬಗ್ಗೆ ಜಾಗೃತಿ ಮೂಡಿಸಿದರು. ಇವರ ಕೊಡುಗೆಯನ್ನು ಗುರುತಿಸಿ ಧಾರವಾಡ (Dharwad) ಕೃಷಿ ವಿಶ್ವವಿದ್ಯಾಲಯ (Agriculture university) ಗೌರವ ಡಾಕ್ಟರೇಟ್ ನೀಡಿ ಗೌರವಿಸಿದೆ. ಅವರ ಜೀವಮಾನದ ಸಮರ್ಪಣೆಯನ್ನು ಗುರುತಿಸಿ, ಭಾರತ ಸರ್ಕಾರವು ೨೦೨೧ರಲ್ಲಿ ಪದ್ಮಶ್ರೀ ಪ್ರಶಸ್ತಿಯನ್ನು ನೀಡಿ ಗೌರವಿಸಿತು.
ವಿಡಿಯೋ ಸಹಿತ ಇದನ್ನೂ ಓದಿ : ಚಲಿಸುತ್ತಿದ್ದ ಶಾಲಾ ವಾಹನಕ್ಕೆ ಬೆಂಕಿ; ಮುಂದೇನಾಯ್ತು?
ತುಳಸಿ ಗೌಡ (Tulasi Gowda) ಅವರು ಅಂಕೋಲಾ ತಾಲೂಕಿನ ಹೊನ್ನಾಳಿ ಗ್ರಾಮದಲ್ಲಿ ನಾರಾಯಣ ಮತ್ತು ನೀಲಿ ದಂಪತಿಗೆ ಜನಿಸಿದರು. ಅವರಿಗೆ ಪವಿತ್ರ ಸಸ್ಯವಾದ ತುಳಸಿ ಎಂದು ಹೆಸರಿಸಲಾಯಿತು. ಕಾಡಿನಲ್ಲಿ ಬೆಳೆದ ಅವರು ೧೨ನೇ ವಯಸ್ಸಿಗೆ ಪ್ರಕೃತಿಯೊಂದಿಗೆ ವಿಶೇಷವಾಗಿ ಸಸ್ಯಗಳು ಮತ್ತು ಮರಗಳೊಂದಿಗೆ ಆಳವಾದ ಪ್ರೀತಿ ಮತ್ತು ಬಾಂಧವ್ಯವನ್ನು ಬೆಳೆಸಿಕೊಂಡರು. ತುಳಸಿ ಗೌಡ ಅವರು ಕಾಡುಗಳಲ್ಲಿ ಬೆಳೆಯುವ ವ್ಯಾಪಕ ಶ್ರೇಣಿಯ ಸಸ್ಯಗಳು, ಮರಗಳು ಮತ್ತು ಬಳ್ಳಿಗಳ ಬಗ್ಗೆ ವ್ಯಾಪಕವಾದ ಜ್ಞಾನವನ್ನು ಹೊಂದಿದ್ದರು. ಹೀಗಾಗಿ ಅವರನ್ನು ‘ಕಾಡುಗಳ ವಿಶ್ವಕೋಶ’ ಎಂದೂ ಕರೆಯುತ್ತಾರೆ. ಅವರಿಗೆ ಬಯಲು ಭೂಮಿಯಲ್ಲಿ ಕಾಡು ಬೆಳೆಸುವುದೂ ಗೊತ್ತಿತ್ತು.
ಇದನ್ನೂ ಓದಿ : ವಿದ್ಯಾಂಜಲಿ ಶಾಲೆಗೆ ಮತ್ತೊಂದು ರಾಷ್ಟ್ರ ಮಟ್ಟದ ಪ್ರಶಸ್ತಿ
