ಕಾಣಕೋಣ (Canacona): ಮಡಗಾಂವದಿಂದ (Margao) ಕುಮಟಾಗೆ (Kumta) ಹೋಗುತ್ತಿದ್ದ ವಾಕರಸಾ ಸಂಸ್ಥೆಯ (NWKRTC) ಬಸ್ ಭಾನುವಾರ ಸಂಜೆ ರಾಷ್ಟ್ರೀಯ ಹೆದ್ದಾರಿ ೬೬ರ (National Highway) ಗುಲೆಮ್ ವಿಭಾಗದಲ್ಲಿ ರಸ್ತೆ ಬದಿಯ ಸೈನ್‌ಬೋರ್ಡ್‌ಗೆ ಡಿಕ್ಕಿ ಹೊಡೆದು (bus crash) ಕನಿಷ್ಠ ಒಂಭತ್ತು ಪ್ರಯಾಣಿಕರು ಗಾಯಗೊಂಡಿದ್ದಾರೆ.
ವಿಡಿಯೋ ಸುದ್ದಿ ಮತ್ತು ಮಾಹಿತಿಗಾಗಿ ಭಟ್ಕಳಡೈರಿ ಫೇಸ್‌ಬುಕ್‌ ಪೇಜ್ ಫಾಲೋವ್ ಮಾಡಲು ಇಲ್ಲಿ ಒತ್ತಿ
ಸಂಜೆ ೬.೩೦ರ ಸುಮಾರಿಗೆ ಈ ಘಟನೆ ಸಂಭವಿಸಿದೆ. ಬಸ್ (ನೋಂದಣಿ ಕೆಎ-೩೧, ಎಫ್‌-೧೫೮೭) ಎಡಕ್ಕೆ ತಿರುಗಿ ಸೈನ್‌ಬೋರ್ಡ್‌ನ ಕಬ್ಬಿಣದ ಫ್ರೇಮ್‌ಗೆ ಡಿಕ್ಕಿ ಹೊಡೆದಿದೆ (bus crash). ಪರಿಣಾಮ ಸೈನ್‌ಬೋರ್ಡ್ ಮುರಿದುಹೋಗಿದೆ. ಅದರ ಕಬ್ಬಿಣದ ಫ್ರೇಮ್ ಬಸ್‌ನ ಬದಿಗೆ ತೂರಿಕೊಂಡು, ಎಡಭಾಗದ ಕಿಟಕಿಗಳು ಪುಡಿಪುಡಿಯಾಗಿವೆ. ಗಾಜಿನ ಚೂರುಗಳು ಪ್ರಯಾಣಿಕರ ಮೇಲೆ ಬಿದ್ದು, ಒಂಭತ್ತು ಮಂದಿ ಗಾಯಗೊಂಡಿದ್ದಾರೆ. ಅವರಲ್ಲಿ ಇಬ್ಬರು ಗಂಭೀರವಾಗಿ ಗಾಯಗೊಂಡಿದ್ದಾರೆ.
ಇದನ್ನೂ ಓದಿ : Police raid/ ಅರಣ್ಯದಲ್ಲಿ ಮೂವರು ಸಿಕ್ಕಿಬಿದ್ದರು; ಆರು ಜನ ಪರಾರಿ
ಅಪಘಾತ ಸಂಭವಿಸುವ ಮುನ್ನ ಬಸ್ ಹೆದ್ದಾರಿಯಲ್ಲಿ ನೇರವಾಗಿ ಪ್ರಯಾಣಿಸುತ್ತಿತ್ತು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಅಪಘಾತದ ಕಾರಣದ ಬಗ್ಗೆ ತನಿಖೆಯ ಭಾಗವಾಗಿ ಕಾಣಕೋಣ ಪೊಲೀಸರು ಪಂಚನಾಮೆ ನಡೆಸಿದ್ದು, ಅವರು ಬಸ್ ಚಾಲಕನನ್ನು ವೈದ್ಯಕೀಯ ಪರೀಕ್ಷೆಗೆ (medical test) ಕಳುಹಿಸಿದ್ದಾರೆ.
ಇದನ್ನೂ ಓದಿ : No Tobacco/ ಖೈನಿ ಇಟ್ಟುಕೊಂಡು ಮಲಗುವ ಅಭ್ಯಾಸ ಇದೆಯೇ? ಎಚ್ಚರ…!
ಗಾಯಗೊಂಡ ಪ್ರಯಾಣಿಕರನ್ನು ಆರಂಭದಲ್ಲಿ ಚೌಡಿಯಲ್ಲಿರುವ ಸಮುದಾಯ ಆರೋಗ್ಯ ಕೇಂದ್ರಕ್ಕೆ ಕರೆದೊಯ್ಯಲಾಯಿತು. ನಂತರ ಹಲವರನ್ನು ಮಡಗಾಂವನ ದಕ್ಷಿಣ ಗೋವಾ (South Goa) ಜಿಲ್ಲಾ ಆಸ್ಪತ್ರೆಗೆ ಸ್ಥಳಾಂತರಿಸಲಾಯಿತು. ಆದರೆ ತಲೆಗೆ ಗಾಯಗೊಂಡ ಇಬ್ಬರು ಪ್ರಯಾಣಿಕರನ್ನು ವಿಶೇಷ ಆರೈಕೆಗಾಗಿ ಬಂಬೋಲಿಮ್‌ನ (Bambolim) ಗೋವಾ ವೈದ್ಯಕೀಯ ಕಾಲೇಜಿಗೆ (Goa Medical College) ಕಳುಹಿಸಲಾಯಿತು. ಗಾಯಗೊಳ್ಳದ ಪ್ರಯಾಣಿಕರು ಕಾರವಾರಕ್ಕೆ (Karwar) ಮತ್ತೊಂದು ಬಸ್‌ನಲ್ಲಿ ಪ್ರಯಾಣ ಮುಂದುವರಿಸಿದ್ದಾರೆ.
ಇದನ್ನೂ ಓದಿ : collision of scooters/ ಸ್ಕೂಟರ್‌ಗಳ ಮುಖಾಮುಖಿ ಡಿಕ್ಕಿ
