ಭಟ್ಕಳ: ಇಲ್ಲಿನ ಬಂದರಿನಲ್ಲಿರುವ ಖಾರ್ವಿ ಸಮಾಜದ (Kharvi community) ಹೋಳಿ ಹಬ್ಬಕ್ಕೆ (Holi festival) ತನ್ನದೇ ಆದ ವಿಶಿಷ್ಟತೆ ಇದೆ. ಈ ಸಮುದಾಯದ ಹೋಳಿಯಾಟವನ್ನು ನೋಡಲು ಪ್ರತಿವರ್ಷವೂ ಜನರು ಗುಂಪು ಗುಂಪಾಗಿ ಸೇರಿಕೊಳ್ಳುವುದು ವಿಶೇಷವಾಗಿದ್ದು, ಹಬ್ಬವು ಸಂಭ್ರಮ ಮತ್ತು ಸಂಪ್ರದಾಯದ ಸಮನ್ವಯವಾಗಿ ಆಚರಿಸಲ್ಪಡುತ್ತದೆ.
ಈ ಹೋಳಿ ಆಚರಣೆಯ ವಿಡಿಯೋವನ್ನು ಯೂಟ್ಯೂಬ್, ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ವೀಕ್ಷಿಸಬಹುದು.
ಖಾರ್ವಿ ಸಮುದಾಯವು ಹೋಳಿ ಹಬ್ಬವನ್ನು (Holi festival) ವಿಶೇಷ ರೀತಿಯಲ್ಲಿ ಆಚರಿಸುವ ಪರಂಪರೆ ಹೊಂದಿದೆ. ಪ್ರತಿ ವರ್ಷ ಸಮಾಜದ ಒಂದು ಕುಟುಂಬವು ಹರಕೆ ಹೊರುತ್ತದೆ. ಹರಕೆಯ ನಿಯಮದಂತೆ ಮೊದಲ ದಿನ ಆ ಕುಟುಂಬದ ಮನೆಯಿಂದ ಅಡಕೆ ಮರವನ್ನು ಸಮಾಜದ ಸದಸ್ಯರೆಲ್ಲರೂ ಸೇರಿ ತಂದುಕೊಳ್ಳುತ್ತಾರೆ. ವಾದ್ಯಗಳ ಸದ್ದಿಗೆ ಕುಣಿತ ಹಾಕುತ್ತಾ ಅಡಕೆ ಮರವನ್ನು ಮೆರವಣಿಗೆಯ ಮೂಲಕ ಕಡಲತೀರಕ್ಕೆ (beach) ತರಲಾಗುತ್ತದೆ.
Holi festival/ ಭಟ್ಕಳದಲ್ಲಿ ಸಂಭ್ರಮದ ಹೋಳಿ ಹಬ್ಬ
ಈ ವರ್ಷವೂ ಮೆರವಣಿಗೆಯ ವೇಳೆ ಜೈಕಾರಗಳ ಘೋಷಣೆ ಗಾಳಿಯಲ್ಲಿ ಮೊಳಗುತ್ತಿದ್ದು, ವೇಷಧಾರಿಗಳ ಪ್ರದರ್ಶನ ಮೆರವಣಿಗೆಗೆ ಮತ್ತಷ್ಟು ಮೆರುಗು ನೀಡಿತು. ಮಹಿಳೆಯರು ಮತ್ತು ಪುರುಷರು ಎಂಬ ಭೇದವಿಲ್ಲದೆ ಎಲ್ಲರೂ ನೃತ್ಯದಲ್ಲಿ ಭಾಗವಹಿಸಿ ಹಬ್ಬದ ಸಂಭ್ರಮ ಹಂಚಿಕೊಂಡರು.
Konkani folk/ ಕೊಂಕಣ ಖಾರ್ವಿ ಜಾನಪದ ಉತ್ಸವ ‘ಸಿಗ್ಮೆ ಪೊರೊಬ್’ ಚಾಲನೆ
ಎರಡನೇ ದಿನದ ಆಚರಣೆ ಮತ್ತಷ್ಟು ಕಳೆಗಟ್ಟಿತ್ತು. ಡಿಜೆ ಸದ್ದಿನ ನಡುವೆ ವಿವಿಧ ಸ್ತಬ್ಧಚಿತ್ರಗಳೊಂದಿಗೆ ಯುವಕ-ಯುವತಿಯರು ಡಿಜೆ ಸಂಗೀತಕ್ಕೆ ತಕ್ಕಂತೆ ಕುಣಿಯುತ್ತಾ ಪರಸ್ಪರ ಬಣ್ಣ ಎರಚಿಕೊಳ್ಳುತ್ತ ತಲಗೋಡ ಕಡಲತೀರವನ್ನು ತಲುಪಿದರು. ಈ ವೇಳೆ ಮೊದಲೇ ಒಟ್ಟುಗೂಡಿಸಿಕೊಂಡಿದ್ದ ತೆಂಗಿನ ಗರಿಗಳನ್ನು ಜೋಡಿಸಿ ಸಮಾಜದ ಹಿರಿಯರು ದೇವರಿಗೆ ಪೂಜೆ ಸಲ್ಲಿಸಿದರು. ಬಳಿಕ ಕಾಮದಹನ ವಿಧಿ ನೆರವೇರಿಸಲಾಯಿತು. ಸಾವಿರಾರು ಸಂಖ್ಯೆಯಲ್ಲಿ ನೆರೆದಿದ್ದ ಜನರು ಈ ವಿಶಿಷ್ಟ ಆಚರಣೆಯನ್ನು ಕಣ್ತುಂಬಿಕೊಂಡು ಪುಳಕಿತರಾದರು. ನಂತರ ಹಲವರು ಸಮುದ್ರದಲ್ಲಿ ಪುಣ್ಯ ಸ್ನಾನ ಮಾಡಿ ಹಬ್ಬದ ಸಂಭ್ರಮದಲ್ಲಿ ಪಾಲ್ಗೊಂಡರು.
Fuel shortage/ ಇಂಧನ ವ್ಯತ್ಯಯ ಭೀತಿ: ಭಟ್ಕಳದ ಪೆಟ್ರೋಲ್ ಪಂಪ್ಗಳಲ್ಲಿ ಉದ್ದನೆಯ ಸರತಿ ಸಾಲು
