ಅಂಕೋಲಾ (Ankola) : ಹಾಡಹಗಲೇ ಮನೆಯೊಳಗೆ ನುಗ್ಗಿದ ಕಳ್ಳರು ಲಕ್ಷಾಂತರ ರೂ. ಮೌಲ್ಯದ ಚಿನ್ನಾಭರಣ ಮತ್ತು ೫೦ ಸಾವಿರ ರೂ. ನಗದು ಕಳವು ಮಾಡಿ (house theft) ಪರಾರಿಯಾಗಿದ್ದಾರೆ.
ವಿಡಿಯೋ ಸುದ್ದಿ ಮತ್ತು ಮಾಹಿತಿಗಾಗಿ ಭಟ್ಕಳಡೈರಿ ಫೇಸ್‌ಬುಕ್‌ ಪೇಜ್ ಫಾಲೋವ್ ಮಾಡಲು ಇಲ್ಲಿ ಒತ್ತಿ
ಅಂಕೋಲಾ ತಾಲೂಕಿನ ಹೊನ್ನೆಕೇರಿಯ ಕೇಣಿರಸ್ತೆಯಲ್ಲಿ ಮನೆಗಳ್ಳತನ ನಡೆದಿದೆ. ನಿನ್ನೆ ಸೆ. ೨೮ರಂದು ನಸುಕಿನ ಜಾವ ೪.೩೦ರಿಂದ ಸಂಜೆ ೭ ಗಂಟೆಯ ನಡುವಿನ ಅವಧಿಯಲ್ಲಿ ಕಳ್ಳತನ (house theft) ನಡೆದಿದೆ. ಮಲಗುವ ಕೋಣೆಯ ಗೋಡೆ ಕಪಾಟಿನ ಬಾಗಿಲು ತೆರೆದು ೬೦ ಗ್ರಾಂ ತೂಕದ ೪ ಬಂಗಾರದ ಬಳೆ, ೩೫ ಗ್ರಾಂ ತೂಕದ ಬಂಗಾರದ ಮಂಗಳಸೂತ್ರ ಕಳವು ಮಾಡಲಾಗಿದೆ. ಇನ್ನೊಂದು ಮಲಗುವ ಕೋಣೆಯಲ್ಲಿದ್ದ ಗೋದ್ರೇಜ್‌ ಕಪಾಟಿನ ಲಾಕರ್‌ ಮುರಿದು ೨೫ ಗ್ರಾಂ ತೂಕದ ೨ ಜೊತೆ ಬಂಗಾರದ ಮಂಗಳಸೂತ್ರ, ೩ ಜೊತೆ ೧೫ ಗ್ರಾಂ ತೂಕದ ಬಂಗಾರದ ಕಿವಿಯೋಲೆ ಹಾಗೂ ೫೦ ಸಾವಿರ ರೂ. ನಗದು ಕಳವು ಮಾಡಲಾಗಿದೆ.
ಇದನ್ನೂ ಓದಿ : ವಿಶ್ವ ಛಾಯಾಗ್ರಹಣ ದಿನ ಅರ್ಥಪೂರ್ಣ ಆಚರಣೆ
ಮನೆ ಮಾಲೀಕ ನಿವೃತ್ತ ಸರ್ಕಾರಿ ನೌಕರ ಮೋಹನ ನಾರಾಯಣ ನಾಯಕ ಅಂಕೋಲಾ ಪೊಲೀಸ್‌ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ (Case Registered). ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.
ಇದನ್ನೂ ಓದಿ : ಪತ್ರಕರ್ತ ಮನಮೋಹನ್ ನಾಯ್ಕರಿಗೆ ಮಾತೃವಿಯೋಗ
