ಭಟ್ಕಳ(Bhatkal): ಇಲ್ಲಿನ ಮುಸ್ಲಿಮರ ರಾಜಕೀಯ ಮತ್ತು ಸಾಮಾಜಿಕ ಸಂಘಟನೆಯಾಗಿರುವ ಶತಮಾನ ಪೂರೈಸಿದ ಮಜ್ಲಿಸೆ ಇಸ್ಲಾಹ್-ವ-ತಂಝೀಮ್ ಸಂಸ್ಥೆಯ ವಾರ್ಷಿಕ ಮಹಾಸಭೆಯಲ್ಲಿ (Tanzeem meeting) ಸಚಿವ ಮಂಕಾಳ ವೈದ್ಯರ ವಿರುದ್ಧ ಅಸಮಾಧಾನ ವ್ಯಕ್ತವಾಯಿತು.
ವಿಡಿಯೋ ಸುದ್ದಿ ಮತ್ತು ಮಾಹಿತಿಗಾಗಿ ಭಟ್ಕಳಡೈರಿ ಫೇಸ್‌ಬುಕ್‌ ಪೇಜ್ ಫಾಲೋವ್ ಮಾಡಲು ಇಲ್ಲಿ ಒತ್ತಿ
ಇನಾಯತುಲ್ಲಾ ಶಾಬಂದ್ರಿಯವರ ಅಧ್ಯಕ್ಷತೆಯಲ್ಲಿ ತಂಝೀಮ್ ಸಭಾಂಗಣದಲ್ಲಿ ಜರುಗಿದ ಸಭೆಯಲ್ಲಿ (Tanzeem meeting) ಉಪಸ್ಥಿತರಿದ್ದ ನೂರಾರು ಮಂದಿ ಸದಸ್ಯರು ಸಚಿವ ಮಂಕಾಳ ವೈದ್ಯ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದರು. ಭಟ್ಕಳ ಅಭಿವೃದ್ಧಿ ಮತ್ತು ಚುನಾವಣೆಗೂ ಮುಂಚೆ ಶಾಸಕ ಮಂಕಾಳ ವೈದ್ಯರು ನೀಡಿದ ಭರವಸೆ ಕುರಿತಂತೆ ಹಲವು ಪ್ರಶ್ನೆಗಳು ಸದಸ್ಯರಿಂದ ಕೇಳಿಬಂತು.
ಇದನ್ನೂ ಓದಿ : ಚಾತುರ್ಮಾಸ್ಯ ವ್ರತಾಚರಣೆಯಲ್ಲಿ ವರಮಹಾಲಕ್ಷ್ಮಿ ಪೂಜೆ
ಯುಜಿಡಿ ಕಳಪೆ ಕಾಮಗಾರಿಯಿಂದಾಗಿ ನೂರಾರು ಕುಡಿಯುವ ನೀರಿನ ಬಾವಿಗಳು ಕಲುಷಿತಗೊಂಡಿರುವ ಬಗ್ಗೆ ಸದಸ್ಯರು ಅಸಮಾಧಾನ ವ್ಯಕ್ತಪಡಿಸಿದರು. ಶರಾಬಿ ನದಿಯಲ್ಲಿ ತ್ಯಾಜ್ಯ ತುಂಬಿಕೊಂಡಿರುವ ವಿಷಯ ಸೇರಿದಂತೆ ಹಲವರು ಜ್ವಲಂತ ಸಮಸ್ಯೆಗಳು ಸಭೆಯಲ್ಲಿ ಚರ್ಚೆಯಾಯಿತು. ತಂಝೀಮ್ ಸಂಸ್ಥೆ ಈ ಕುರಿತಂತೆ ಕ್ರಮಗಳು ಜರುಗಿಸುವಲ್ಲಿ ವಿಫಲವಾಗಿದೆ ಎಂದು ಸದಸ್ಯರು ಆರೋಪಿಸಿದರು.
ಇದನ್ನೂ ಓದಿ : ಆಗಸ್ಟ್‌ ೧೬ರಂದು ವಿವಿಧೆಡೆ ಅಡಿಕೆ ಧಾರಣೆ
ಪುರಸಭೆ ಸದಸ್ಯರು, ಪಂಚಾಯಿತಿ ಸದಸ್ಯರು, ಸ್ಥಳೀಯ ಶಾಸಕರು ಭರವಸೆ ನೀಡಿದಂತೆ ತಾಲೂಕಿನ ಅಭಿವೃದ್ಧಿಗೆ ಆಸಕ್ತಿ ತೋರುತ್ತಿಲ್ಲ, ಚುನಾವಣೆಗೂ ಮುನ್ನ ಸ್ಥಳೀಯ ಸಮಸ್ಯೆಗಳಿಗೆ ಸಂಬಂಧಿಸಿದಂತೆ ಜನರಿಗೆ ನೀಡಿದ ಭರವಸೆಗಳನ್ನು ಈಡೇರಿಸಿಲ್ಲ ಎಂದೂ ದೂರಿದರು. ಜನಸಾಮಾನ್ಯರು ಎದುರಿಸುತ್ತಿರುವ ಸಮಸ್ಯೆಗಳ ಪರಿಹಾರದತ್ತ ಗಮನ ಹರಿಸುತ್ತಿಲ್ಲ. ಕೌನ್ಸಿಲರ್‌ಗಳು ಮತ್ತು ಪಂಚಾಯಿತಿ ಸದಸ್ಯರನ್ನು ಹೊಣೆಗಾರರನ್ನಾಗಿ ಮಾಡುವಂತೆ ಮತ್ತು ಆಯಾ ಪ್ರದೇಶಗಳಲ್ಲಿ ಅವರಿಂದ ಕೆಲಸದ ವರದಿಗಳನ್ನು ಕೇಳುವಂತೆ ಸದಸ್ಯರು ಒತ್ತಾಯಿಸಿದರು.
ವಿಡಿಯೋ ಸಹಿತ ಇದನ್ನೂ ಓದಿ : ಐ.ಆರ್.ಬಿ. ಉಪೇಕ್ಷೆ; ವಿಎಸ್ಎಸ್ ಸ್ಪಂದನೆ
ಮೀನು ಮಾರುಕಟ್ಟೆ ಸ್ಥಳಾಂತರದ ಬಗ್ಗೆ ಪ್ರಶ್ನೆಗಳು ಎದ್ದವು. ನಗರಸಭೆಯ ನೂತನ ಕಟ್ಟಡದ ಉರ್ದು ಬೋರ್ಡ್ ತೆರವು ಪ್ರಕರಣವನ್ನು ನ್ಯಾಯಾಲಯದ ಮೆಟ್ಟಿಲೇರಿದ್ದು ಏಕೆ? ಶಮ್ಸುದ್ದೀನ್ ಸರ್ಕಲ್ ಹಾಗೂ ಇತರೆಡೆ ಅಕ್ರಮ ಮಳಿಗೆಗಳ ತೆರವಿಗೆ ಪಾಲಿಕೆ ಸದಸ್ಯರು ಹಾಗೂ ತಂಝೀಮ್ ಏಕೆ ಕ್ರಮಕೈಗೊಂಡಿಲ್ಲ ಎಂದು ಸದಸ್ಯರು ಪ್ರಶ್ನಿಸಿದರು. ಮುಸ್ಲಿಂ ಮತಗಳಿಂದ ಗೆದ್ದು ಜಿಲ್ಲಾ ಉಸ್ತುವಾರಿ ಸಚಿವರೂ ಆಗಿರುವ ಶಾಸಕ ಮಂಕಾಳ ವೈದ್ಯರು ಇಲ್ಲಿನ ಸಮಸ್ಯೆ ಏಕೆ ಬಗೆಹರಿಯುತ್ತಿಲ್ಲ ಎಂದು ಸದಸ್ಯರು ಅಸಮಾಧಾನ ವ್ಯಕ್ತಪಡಿಸಿದರು.
ಇದನ್ನೂ ಓದಿ : ಭಟ್ಕಳ ತಾಲೂಕು ಪದವಿ ಪೂರ್ವ ಕ್ರೀಡಾಕೂಟ ಆರಂಭ
ತಂಝೀಮ್ ಅಧ್ಯಕ್ಷ ಇನಾಯತುಲ್ಲಾ ಶಾಬಂದ್ರಿ, ಪ್ರಧಾನ ಕಾರ್ಯದರ್ಶಿ ಅಬ್ದುಲ್ ರಖೀಬ್ ಎಂ.ಜೆ.ನದ್ವಿ, ಮತ್ತು ವಕೀಲ ಇಮ್ರಾನ್ ಲಂಕಾ ಸೇರಿದಂತೆ ಇತರ ಪದಾಧಿಕಾರಿಗಳು ಸದಸ್ಯರ ಪ್ರಶ್ನೆಗಳನ್ನು ಎದುರಿಸಿ ಹಲವು ವಿಷಯಗಳಿಗೆ ತೃಪ್ತಿಕರ ಉತ್ತರ ನೀಡಿದರು. ಸಾಮಾನ್ಯ ಸಭೆಯು ಕೊನೆಯವರೆಗೂ ಶಾಂತವಾಗಿ ಮತ್ತು ಸುಗಮವಾಗಿ ನಡೆಯಿತು.
ಇದನ್ನೂ ಓದಿ : ಕೇಂದ್ರ ಸರ್ಕಾರದ ಯೋಜನೆಗಳ ಬಗ್ಗೆ ಮಾಹಿತಿ ಬೇಕೆ?
ನವಾಯತ್ ಕಾಲೋನಿಯಲ್ಲಿ ತಂಝೀಮ್‌ನ ನೂತನ ವಾಣಿಜ್ಯ ಸಂಕೀರ್ಣ ನಿರ್ಮಾಣ ಕಾಮಗಾರಿ ಮುಂದುವರಿದಿದ್ದು, ಸದಸ್ಯರಿಂದ ಆರ್ಥಿಕ ನೆರವು ಅಗತ್ಯವಿದೆ ಎಂದು ಪ್ರಧಾನ ಕಾರ್ಯದರ್ಶಿ ಅಬ್ದುಲ್ ರಖೀಬ್ ಎಂ.ಜೆ. ಸ್ಪಷ್ಟಪಡಿಸಿದರು. ನೂರ್ ಹಲ್ಕಾದ ಕ್ರೀಡಾ ಕೇಂದ್ರಗಳ ಸಹಕಾರ ಮತ್ತು ರಾಬಿತಾ ಸೊಸೈಟಿಯ ಸಮನ್ವಯದೊಂದಿಗೆ ತಂಝೀಮ್ ಆಯೋಜಿಸಿದ್ದ ಆಧಾರ್ ಕಾರ್ಡ್ ಶಿಬಿರದಲ್ಲಿ ೧೯೫೦೦ ಆಧಾರ್ ಕಾರ್ಡ್‌ಗಳನ್ನು ಮಾಡಲಾಗಿದೆ ಎಂದು ಪ್ರಶ್ನೆಯೊಂದಕ್ಕೆ ಉತ್ತರಿಸಿದರು.
ತಂಝೀಮ್ ಪ್ರಧಾನ ಕಾರ್ಯದರ್ಶಿ ಅಬ್ದುಲ್ ರಖೀಬ್ ಎಂ.ಜೆ ಮಾತನಾಡಿ, ಕೌನ್ಸಿಲರ್ ಮತ್ತು ಪಂಚಾಯತ್ ಸದಸ್ಯರ ಸ್ಥಳೀಯ ಸಮಸ್ಯೆಗಳ ಬಗ್ಗೆ ದೂರುಗಳಿಗೆ ಪ್ರತಿಕ್ರಿಯಿಸಿ, ಭಟ್ಕಳದ ಎಲ್ಲಾ ಮಸೀದಿ ಸಮಿತಿಗಳಿಗೆ ತಂಝೀಮ್ ವತಿಯಿಂದ ಪತ್ರಗಳನ್ನು ಕಳುಹಿಸಲಾಗಿದೆ, ತಮ್ಮ ಪ್ರದೇಶದ ಸಮಸ್ಯೆಗಳನ್ನು ಲಿಖಿತವಾಗಿ ತಿಳಿಸಲು ಸೂಚಿಸಲಾಗಿದೆ ಎಂದು ಹೇಳಿದರು. ಆಯಾ ಕೌನ್ಸಿಲರ್‌ಗಳು ಅಥವಾ ಪಂಚಾಯತ್ ಸದಸ್ಯರು ಮತ್ತು ಪ್ರತಿಯನ್ನು ತಂಝೀಮ್‌ಗೆ ರವಾನಿಸಿ. ತಂಝೀಮ್‌ನ ಪತ್ರದಲ್ಲಿ ಮಸೀದಿ ಸಮಿತಿಗಳು ಸಂಬಂಧಪಟ್ಟ ಕೌನ್ಸಿಲರ್‌ಗಳು ಅಥವಾ ಪಂಚಾಯತ್ ಸದಸ್ಯರೊಂದಿಗೆ ಸಭೆಗಳನ್ನು ನಡೆಸಿ ತಮ್ಮ ಪ್ರದೇಶಗಳಲ್ಲಿನ ಸಮಸ್ಯೆಗಳನ್ನು ಪರಿಹರಿಸಲು ಪ್ರಯತ್ನಿಸುವಂತೆ ಸೂಚಿಸಲಾಗಿದೆ. ಸಮಸ್ಯೆಗಳು ಇನ್ನೂ ಬಗೆಹರಿಯದಿದ್ದರೆ, ಆಯಾ ಮಸೀದಿ ಸಮಿತಿಗಳ ಮೂಲಕ ತಂಝೀಮ್ ಅನ್ನು ಸಂಪರ್ಕಿಸಲು ಅವರಿಗೆ ಸೂಚಿಸಲಾಯಿತು.
ಇನ್ನು ಜಿಲ್ಲಾ ಉಸ್ತುವಾರಿ ಸಚಿವರಾಗಿರುವ ಭಟ್ಕಳ ಶಾಸಕರೊಂದಿಗೆ ತಂಝೀಮ್ ಅಧಿಕಾರಿಗಳು ಸಂಪರ್ಕದಲ್ಲಿದ್ದಾರೆ ಎಂದು ತಿಳಿಸಿದ ಅವರು, ಹಲವು ಸಮಸ್ಯೆಗಳು ಬಗೆಹರಿದಿವೆ, ಕೆಲವು ಪ್ರಗತಿಯಲ್ಲಿವೆ, ಇನ್ನೂ ಕೆಲವು ಬಗೆಹರಿಯಬೇಕಿದೆ ಎಂದು ತಿಳಿಸಿದರು. ಜಿಲ್ಲಾ ಉಸ್ತುವಾರಿ ಸಚಿವರ ಬೆಂಬಲದೊಂದಿಗೆ ಭಟ್ಕಳದ ಅಭಿವೃದ್ಧಿಗೆ ಹಾಗೂ ಜನತೆ ಎದುರಿಸುತ್ತಿರುವ ಸಮಸ್ಯೆಗಳನ್ನು ಪರಿಹರಿಸಲು ತಂಝೀಮ್ ತನ್ನ ಕೈಲಾದಷ್ಟು ಕೆಲಸ ಮಾಡುತ್ತಿದೆ ಎಂದು ಸದಸ್ಯರಿಗೆ ಭರವಸೆ ನೀಡಿದರು.
