Theatre Festival/ ನೆನಪಿನ ರಂಗ ಸಂಭ್ರಮ ನಾಟಕೋತ್ಸವ ಯಶಸ್ವಿ

ಸಾಗರ (Sagar) : ಇಲ್ಲಿನ ಕಾಗೋಡು ತಿಮ್ಮಪ್ಪ ರಂಗಮಂದಿರದಲ್ಲಿ ಅಭಿನಯ ಸಾಗರ, ಕಾಗೋಡು ರಂಗಮಂಚ, ಜೋಶಿ ಫೌಂಡೇಶನ್, ನಮ್ ಸಮಾಚಾರ ಪಾಕ್ಷಿಕ ಪತ್ರಿಕೆ ಮತ್ತು ಉದಯ ಕಲಾವಿದರು ಸಹಯೋಗದೊಂದಿಗೆ ಅ.೨೧ರಿಂದ ೨೭ರವರೆಗೆ ೭ ದಿನಗಳ ದಿ.ಎನ್.ಆರ್‌.ಮಾಸೂರು, ಕಾಗೋಡು ಅಣ್ಣಾಜಿ ಹಾಗೂ ಯೇಸು ಪ್ರಕಾಶ್ ಅವರ ಸ್ಮರಣಾರ್ಥ ನೆನಪಿನ ರಂಗ ಸಂಭ್ರಮ ನಾಟಕೋತ್ಸವ (Theatre Festival) ಯಶಸ್ವಿಯಾಗಿ ನಡೆಯಿತು.

ಈ ನಾಟಕೋತ್ಸವದ (Theatre Festival) ಸಮಾರೋಪ ಸಮಾರಂಭದಲ್ಲಿ ರಂಗಭೂಮಿ ಸೇವೆಗಾಗಿ ಎಂ. ಎಸ್. ಚಂದ್ರಶೇಖರ, ದೇವೇಂದ್ರ ಬೆಳೆಯೂರು, ಅರುಣ ಘಾಟೆ, ಕೆ. ಈಶ್ವರ ನಾಯ್ಕ ಕುಗ್ವೆ, ಮೇಕಪ್ ಸೋಮಣ್ಣ ಹಾಗೂ ನಾಗರಾಜ ಸೂರನಗದ್ದೆ ಇವರನ್ನು ಸನ್ಮಾನಿಸಲಾಯಿತು. ಇದೇ ಸಂದರ್ಭದಲ್ಲಿ “ರಂಗ ಸಾಧಕ ಸಾಗರಿಕರು” ಪುಸ್ತಕಕ್ಕೆ ಸಹಕರಿಸಿದ ಡಾ. ಪ್ರಭಾಕರ ರಾವ್, “ಏಸು ನೆನೆಹುಗಳ ಹೊತ್ತು” ಪುಸ್ತಕ ಲೋಕಾರ್ಪಣೆಗೊಳ್ಳಲು ಸಹಕರಿಸಿದ ಡಾ. ಸರ್ಫರಾಜ ಚಂದ್ರಗುತ್ತಿ, ನಾಟಕೋತ್ಸವಕ್ಕೆ ಸಹಕರಿಸಿದ ಎಂ.ರಾಘವೇಂದ್ರ, ಧ್ವನಿ ಮತ್ತು ಬೆಳಕಿನ ವ್ಯವಸ್ಥೆ ಮಾಡಿದ ನಾಗರಾಜ ಶಿರಸಿ ಇವರನ್ನು ಸಹ ಗೌರವಿಸಲಾಯಿತು.

ಸಾಗರ ಮತ್ತು ಹೊಸನಗರ ವಿಧಾನಸಭಾ ಕ್ಷೇತ್ರದ ಶಾಸಕ ಬೇಳೂರು ಗೋಪಾಲಕೃಷ್ಣ, ಡಾ. ಜಿ. ಎಸ್. ಭಟ್, ಟಾಕಪ್ಪ, ಸಿ.ಟಿ. ಬ್ರಹ್ಮಾಚಾರ, ಐ. ಎನ್. ಸುರೇಶ ಬಾಬು, ಗೌತಮ ಪಿ. ಎಸ್., ವಿ. ಶಂಕರ, ಟಿ.ಎಸ್. ರಾಘಣ್ಣ, ಪ್ರಸನ್ನ ಕುಮಾರ, ಶೈಲಜಾ ಪ್ರಕಾಶ, ಅನುಸೂಯ, ಗೋಪಿ ದೀಕ್ಷಿತ, ಉಮೇಶ ಹಿರೇನಲ್ಲೂರು ವೇದಿಕೆಯಲ್ಲಿ ಉಪಸ್ಥಿತರಿದ್ದರು. ಪುಷ್ಪ ರಾಘವೇಂದ್ರ ಸ್ವಾಗತಿಸಿದರು. ಅಬಸೇ ದಿನೇಶ ಕುಮಾರ ಜೋಶಿ ವಂದಿಸಿದರು. ಕೌಶಿಕ ಕಾನುಗೋಡು ನಿರೂಪಿಸಿದರು. ಸಮಾರೋಪದ ಕಾರ್ಯಕ್ರಮದ ನಂತರ ಮುಂಬೈನ ಕನ್ನಡ ಕಲಾ ಕೇಂದ್ರದ “ಬಿಸಿಲು ಬೆಳದಿಂಗಳು” ನಾಟಕ ಪ್ರದರ್ಶನಗೊಂಡಿತು. ಸಭಾಂಗಣ ಪ್ರೇಕ್ಷಕರಿಂದ ತುಂಬಿತ್ತು.